मुंबई : महाराष्ट्रात पायाभूत सुविधांमध्ये झालेली लक्षणीय सुधारणा राज्यासाठी अतिशय फायद्याची ठरली आहेत. त्यामुळेच परदेशातील सर्वाधिक गुंतवणूक आणण्यात महाराष्ट्र देशात आघाडीवर असून, गेल्या सात वर्षात महाराष्ट्रात ६ लाख ९७ हजार ३०४ कोटी रुपये थेट परकीय गुंतवणूक आल्याचे उद्योग व अंतर्गत व्यापार प्रोत्साहन विभागाच्या अहवालातून समोर आले.
महाराष्ट्राने सात वर्षांत सर्वाधिक ३१% एफडीआय राज्यात आणण्यात यश मिळवले आहे. शिवाय गेल्या आर्थिक वर्षात (२०२४-२५) देशातील थेट परकीय गुंतवणुकीत महाराष्ट्र आणि कर्नाटकचा वाटा ५१ टक्के राहिला. एप्रिल-मार्च २०२४-२५ दरम्यान महाराष्ट्राने सर्वाधिक १९.६ अब्ज डॉलर्सची परकीय गुंतवणूक आणली. कर्नाटकला ६.६२ अब्ज डॉलर्सची परकीय गुंतवणूक मिळाली.
